Kanada, shteti i dytë në botë që miraton vaksinën Pfizer kundër koronavirusit

00:32 | 10 Dhjetor 2020
Trina Galanxhi

“Health Canada” ka aprovuar vaksinën Pfizer-BioNTech kundër COVID-19 për përdorim në këtë vend.

Është një moment kritik në luftën e Kanadasë kundër coronavirusit pasi që është vaksina e parë që merr dritën e gjelbër.

Agjencia federale e shëndetit e ka konsideruar vaksinën efektive dhe të sigurt për përdorim në vend, që do të thotë se ekipi përgjegjës për shpërndarjen e vaksinave tani mund të fillojë procesin e administrimit të tyre, raporton cbsnews.

“Health Canada ka përcaktuar që vaksina Pfizer-BioNTech plotëson kërkesat e rrepta të Departamentit për sigurinë, efikasitetin dhe kërkesat e cilësisë për përdorim në Kanada”, njoftoi “Health Canada” gjersa zbardhi edhe një ser dokumentesh në lidhje me vendimin.

Theksojmë se kanadezët bëhen shteti i dytë në botë që aprovon vaksinën e kompanisë Pfizer pas Britanisë së Madhe.

Ndryshe, Kanada deri më tani ka regjistruar mbi 433 mijë të infektuar me virus gjersa 12931 persona kanë vdekur. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm